Asteburua beteta dator, Villabonan, izan ere, ostiralean Beñat Igerabidek Geldialdi bakoitzean bere bigarren diskoa aurkeztuko du, bere taldearekin batera, Gurea antzokian. Adunarra da kantu guztien sortzailea, eta lan berri honetan aurreko diskoko kantuen intimismotik urrundu da.
Datorren igandean, Mami Lebrun izeneko antzezlana izango da Gurean. "Erabat gomendagarria da lana", kultura sailaren esanetan; "izan ere, antzezpen zoragarriez gain, Edith Piaf bezalako izarren kantak entzun ahal izango ditugu antzezlanean, Ainara Ortegaren ahotsean besteak beste". 2016ko Jazzaldiko programazioaren barruan Villabonan egin zen kontzertuan aritu zen Ainara Ortega.