Zazpi festa egun aurretik

Lehertu dira Villabonako Santio festak. Arratsaldean jaurti du txupinazoa Amasa-Villabonako Odol Emaileen elkarteak. Lehenago, ordea, Frontenis eta Eskuz Binaka txapelketa herrikoieko finalak jokatu dituzte. Frontenisean, Mikel Otañok Xabi Agirrezabalaren aurka jokatu du; Otañok irabazi du 22-19. Eskuz binaka, berriz, Jon Zubeldia eta Unai Etxeberria lehiatu dira Beñat Karrera eta Kepa Nazabalen kontra. Karrerak eta Nazabalek irabazi dute partida 22-17.

Final horien ondoren ailegatu da txupinazoaren txanda. 18:00ak jotzerako, plazako oholtzaren gainean zeuden Villabonako Odol Emaileen elkarteko kideak. Aterkiz betetako plaza izan dute aurrean, euriak ez baitie atsedenaldirik eman. Txupinazoa lehertzearekin batera, txaranga eta dultzain doinuak hasi dira. Onddo Gazte Asanbladako kideek ere beren txupinazo propioa bota dute gaztetxearen atarian; txanpain botila irekita hasi dituzte festak.

Gauean, herri afaria egingo dute Txermingo ikastolaren azpialdean. Ondoren, danborrada egingo dute Onddo Gazte Asanbladak antolatuta eta 100 pertsona inguruk haratuko dute parte bertan. Gauean kontzertuen txanda izango da; erromeri doinuak izango dira plazan Iratzar taldearen eskutik, eta gaztetxean Estarlus eta Odolaren Mintzoa taldeek joko dute.

Ikusi hemen biharko egitaraua.