Zazpigarren urtez jarraian, alkate ordea zena omentzeko tartea hartu dute billabonatarrek bere monolitoaren alboan. Gogora ekarri dute gertatutakoa eta justizia eskatu dute.
Egitarau ofizialean agertzen ez bazen ere, herritar mordoa hurbildu da ekitaldira. Danborradarik ere ez da izan aurteko jaietan eta ekitaldiari hasiera emateko danbor hotsek alaitu dute ingurua. Tartean, lau dantzarik saio labur bat eskaini dute, bertso eta kantuak ere eskaini dizkiete eta amaitzeko, Remiren anaiak hitz batzuk egin ditu justizia eskatzeko eta babesa eskertzeko.