Bazkaria egin dute 300 bat gaztek herriko plazan, Onddo Gazte Asanbladak antolatuta. Sabelak beteta, poteoa egin dute herrian Orkestra elektrotxarangarekin. Giro ederra jarri dute musikariek, eta ederki pasa dute gazteek, mozorroak lagun dituztela.
Gauean, afaria eta kontzertuak
21:00etan, afaria egingo dute, eta gauean Izeberg eta Vendetta taldeen kontzertuak izango dira. Festak luze joko du ziur aski Villabonako gazteentzat.