9:00etan Diana izan da herriko kaleetan, dultzaineroak alaituta. 11:00etan, patata tortila lehiaketa egin dute Txermingo ikastolan. 11-17 urte arteko 40 bat haurrek hartu dute parte. Bost eta seiko taldeak osatu dituzte, eta tortila egiteko osagai eta tresna guztiak hartuta, sukaldari bihurtu dira egun batez.
11:30etan, berriz, marrazki lehiaketa izan da haurrentzat Oria Merkatari Elkarteak antolatuta. Beldura Plaza haurrez bete da, eta beren artista kutsua ateratzeko aukera izan dute. Lanak bukatuta, buruhandien aurretik korrika ibili dira haurrak, erraldoien eta ipotxen kalejiran.
Honako egitaraua antolatu dute arratsalderako:
17:00: Haur parkea, Arroan.
19:30: Txekor jatea eta sagardo dastaketa, Zunbeltz elkartearen eskutik, Txermingo ikastolan.
23:00: Dantzaldia, Joselu Anaiak taldearen eskutik, Erreboteko plazan.