Eguraldiak asko lagundu ez badu ere, jendea festa gosez agertu da goizean goizetik plazara. Suziria lehertzearekin batera, salto eta jauziek hartu dute lekua Errebote plazan. Elkartasun brindisa egin, argazki bat atera eta buruhandi, ipotx eta erraldoiek kalejira egin dute herrian barrena, Loatzo Musika Eskolako Jeronimo Dultzaina Taldearen laguntzaz. Batzuk aterki azpian eta beste batzuk aterkirik gabe osatu dute ibilbidea.
Eguerdian, herri bazkaria izango dute eta eguraldi txarragatik ikastola azpian egitea erabaki dute. Hona hemen bazkalondorenerako antolatu dituzten ekitaldiak:
16:00. Frontenis finala, Olaederrako frontoian.
16:00. Bola tiraldia helduentzat, Behar Zana elkarteko Bola Taldearen eskutik, Olaederrako bolatokian.
16:30. Perkusio emanaldi ibiltaria, Erreboteko plazatik abiatuta. Zo-zongó taldea: Kolpez Blai.
17:00. Paxakako finala, Olaederrako pilotalekuan.
19:30. Futbito finala, Erreboteko plazan.
23:30. Dantzaldia, Iratzar taldearen eskutik, Erreboteko plazan.