Ikasturtean zehar progresiboki lantzen joan den ekimen bati amaiera eman indartsua eman nahi izan diote gaurko egunarekin. Izan ere, ikasturte honetan "elkar ezagutzea eta elkarlana sustatzea" izan dute helburu gazteek, eta horren emaitza izanda da gaurko festa eguna ere. eta indartsu bukatzeko tresna izan nahi du, bihar, Villabonan ospatuko den Independentzia Egunak.
Gaurko eguraldi nahastuak, goizeko ekitaldiak Berdura plazan, aterpean, egitera behartu dituzte. Baina, eguraldiak ez ditu izutu eta goizetik ekin diete gaurko prestatuta zituzten hitzorduei. Lehenik eta behin, esaterako, Eneko Galarraga eta Lander Etxeberria preso ohiekin mahai ingurua izan dute goizean. Ondoren, feminismoari buruzko tailer kolektiboa gauzatu dute.
Bazkaltzeko, berriz, ehun gazte baino gehiago bildu dira, eta bazkalostea girotzeko Asier Azpiroz eta Eli Pagolaren bertsoak izan dituzte.
Behin indarrak hartuta, arratsaldeari ere indartsu ekiteko prest daude gazteak. Eguna eta gaua luzea dira oraindik eta aurretik hainbat kontu dituzte:
17:00. Jolasak.
18:30. Batukada.
20:00. Ekitaldia.
21:00. Zagiardoa. Zuk afaria, guk musika eta sagardoa.
Ondoren. Kontzertuak: Katez, Ardi baltzak eta DJa.