Amasa-Villabonako Udalak jakitera eman duenez, orain arte lortu den informazioaren arabera, 987,60 eurokoa da iruzurraren zenbatekoa. Kopuru hau Asociación Manos de Acción Solidaria Bilbao GKEra zihoan zuzendua.
Alkatetzak kaleratu duen oharrak esaten duenez, "kasua auzitegietan aurkitzen da orain, eta epaiaren erantzuna da Asociación Manos de Acción Solidaria Bilbaok dirua itzuli beharko diela erakundeei". Amasa-Villabonako Udalak, beraz, berari dagokion diru laguntzaren kopurua bueltan eskatu ahal izango du.
Alkatearen ustez, “udaletxearen kudeaketa argia eta eraginkorra izan behar du, eta oraindik gehiago krisi garaian”. Bide honetatik, Iban Agirrek GKEko zuzendaritzaren kontra akzio judizialak hartzea aztertuko du.