Aspaldian sortu zen programa honen beharra. Bere helburu orokorra bi hilabetez bada ere, 10 eta 12 urte bitarteko haurrak saharar errefuxiatu kanpalekuetatik ateratzea da eta bide batez desertuan udako bi hilabete horietan pairatzen den tenperatura altuetatik babestea.
Gainera, mediku azterketak gauzatzen zaizkie eta oinarrizko arazoak konpontzeko bidean jarri. Bestalde, elikadura gabezien ondorioz sortutako kalteei aurre egiten zaie. Azkenik, Mendebaldeko Saharak pairatzen duen egoera ezagutzera ematen dute, bi herrien arteko kultur trukaketa gertatzen delarik, familien arteko erlazio estua lortuz eta kooperazioa bultzatuz.
Elkarbizitza hau bi aldeentzat da aberasgarri, haurrek saharar errefuxiatu kanpamentuetatik oso ezberdinak diren gauzak ikasten dituztelako, eta guretzat herri xume honek dituen balioak, kultura eta egoera ezagutzeko aukera ematen digulako.
Programa honetan nahi duen orok parte hartu dezake, soilik denbora librea eta gogoa dira beharrezkoak.
Ekimena aurrera eramateko beharrezkoa den gauza bakarra: zure elkartasuna.