Amasa-Villabonako Gizarte Zerbitzuetako sailak kartel lehiaketa jarri zuen martxan duela aste batzuk, eta lanak aurkezteko epea urtarrilaren 29an amaitu zen. Dagoeneko lehiaketako irabazlea zein den ere eman dute jakitera: Unai Lizartza Amundarain, 19 urteko billabonatarra.
Beraz, Unaiek lehiaketara aurkeztutako lana izango da aurtengo Martxoak 8ko irudia, eta udalak lan hau erabiliko du egitaraua egiteko. Horrez gain, kartelaren egileak 200 euroko saria jaso du.
Udalak lehiaketan parte hartu duten guztiei bere esker ona adierazi die.