Gurina, azukrea eta arrautza, osagai hauek guztiak ontzi batean bota eta ondo irabiatuko ditugu, barila baten laguntzarekin. Honakoak prest ditugunean esnea gehituko diogu. Hau da, koilarakada bat esne gehituko diogu aurretik prest dugun nahasketari.
Irina izango da gehituko dugun hurrengo osagaia. Irina bota aurretik, bahetu egingo dugu. Prest dugun masari gehituko diogu eta berriro ere barilaren laguntzarekin masa osatuko dugu.
Lorturiko masa hau manga pastelera batean sartuko dugu eta labeko bandeja batean, hari moduko batzuk osatuko ditugu, gure masarekin, 5-6 zentimetroko luzeeradunak.
Labea prest
Labea 175-180 gradutan bero izango dugu. Bandeja sartu eta 6-8 minutuz izango dugu barruan. Berehala eta modu errazean prest izango dugu gure gaurko errezeta, katu-mihiak. Kafesne bero-bero bati laguntzeko ezin aproposagoak!
OSAGARRIAK
KATU-MIHIAK
180 gr. irina.
125 gr. azukrea. (Hauts azukrea bada, hobe).
125 gr. gurina. (Biguna egon behar du, pomada testuran. Horretarako ordubete lehenago hozkailutik aterako dugu).
Arrautza (1).
Esnea (Koilarakada 1).