Garbitzen lana eskatzen duen produktuarekin gatoz gaurkoan: orburuak. Errezeta osasungarria proposatuko dugu.
Lehenik orburuak garbituko ditugu. Ondoren, ur gatzetan egosten jarriz. Zenbat denboraz izan behar ditugun jakiteko, orburu bat atera eta labana zorrotz batekin labana erraz sartzen baldin bada, orburua egosita dagoela esan nahi du.
Barazkiak, suabe-suabe
Egosten ari diren bitartean, gainerako barazkiak, tipula, baratxuria eta piper berdea txiki-txiki eginda, erregosten jarriko ditugu, oliotan prest dugun gurina botata. Suabe-suabe utziko dugu sutan, kolorerik hartzen ez diogu utziko. Orburuak prest daudenean, gainerako barazkien ontzira botako ditugu. Irina apurtxo bat ere gaineratuko diegu eta baita jarraian ardo zuri apurtxo bat ere.
Seguruenik, momentu honetan, gure kazolak ur gehiago behar izango duela. Salda baldin badugu hori gehituko diogu, bestela ura ere bota daiteke. Sutan mantentzen dugun bitartean, onddoak prestatuko ditugu. Zartagitik azkar-azkar pasako ditugu. Ondoren, beste kazolara botako ditugu eta 10 minuturen buruan prest izango dugu platera. Urdaiazpiko xaflak, azken momentuan pasako ditugu zartaginetik.
OSAGARRIAK
ORBURUAK ONDDOEKIN
Tipula, baratxuria (ale pare bat), piper berdea (erdia), orburuak, onddoak (ez gehiegi, orburuari gusturik ez kentzeko), urdaiazpiko xafla batzuk (apaintzeko), gurina (oso gutxi), irina eta ardo zuria.
