OSAGAIAK
· Txokolatea (kobertura bada, hobe. Aukeran zuria edo beltza) (250 g.)
· Ura (4 koilarakada)
· Gurina. (50 gr.)
· Esnegaina (80 gr.)
· Hauts azukrea (50 gr.)
· Brandi edo koñaka (3 koilarakada)
· Txokolate hautsa
Maria bainuan ontzi batean txokolatea urtzen jarriko dugu, lau ur koilarakada horietan. Urtzen denean gurina eta esnegaina gehituko dizkiogu. Horretarako gurina garaiz aterako dugu hozkailutik, biguna egon dadin. Maria bainuan segituan desegingo da, di-da batean aterako dugu, hortaz. Jarraian, azukrea eta koñaka gehituko dizkiogu, ondo nahastuko ditugu; azukrea hauts eran erabiltzen badugu hobe, izan ere, askoz errazago nahasten da. Ondoren nahasketa hozkailuan sartuko dugu. Hozten denean, masa gogor bat lortuko dugu. Goilara batekin masa apurrak atera eta eskuekin lan eginez, bolatxoak osatuko ditugu. Behin bolak osatuta txokolate hautsetik pasako ditugu eta dagoeneko gure txokolatezko trufak jateko prest izango dira.