Hamaseina bertso puntuagarri kantatu beharko dituzte bertsolariek: ofiziotan aritu beharko dute hasteko hamarreko handian; gero bakarka lehen puntua emanda hiruna bertso kantatu beharko dituzte zortziko txikian. Segidan, ofiziotan aritu beharko dute, sei puntuko motzean eta zortziko txikian. Eta bukatzeko, kartzelan, bakarka jardun beharko dute gaia emanda.
Saio honetako sarrerak salgai daude www.bertsosarrerak.eus webgunean. Gaztetxoen sarrera 6 euroan da, Bertsozale Elkarteko bazkideena 10ean eta gainerakoena 13 euroan. Saioko egunean sarrerak aretoko leihatilan jarriko dira salgai,16:00etatik aurrera.
Zarauzko saioaren ondoren, hurrengo bi igandeetan joikatuko dira beste bi finalaurrekoak, azaroaren 29an Tolosan eta abenduaren 6an Eibarren. Fase horretatik aterako da abenduaren 19ko finalean kantatuko duen zortzikoa.
