Izen emateko aukera oraindik zabalik dago, eta larunbata bitarte mendiduatloia.com webgunean zerrenda jarrita egongo da, 22:00ak arte. Parte hartzaileek datuak ematerakoan 15 euro jarri beharko dituzte. Egunean bertan, izena eman nahi duenak 20 eurotan izango du aukera. Gehienez ere 200 parte hartzailek hartuko dute irteera.
Amasako gazteek antolatutako mendi duatloiari irteera 11:00etan emango diote. Amasatik korrika irtengo dira, lehen sektorea mendi lasterketa baita. 3,86 kilometro egin beharko dituzte hasieran, 154 metroko goranzko maldan.
Ondoren, bigarren sektorerako mendi bizikleta hartuko dute. Zirkuituari hiru itzuli eman beharko dizkiote, 17,79 kilometro egin arte. Penditza, bataz beste, 732 metro positiboa izango da.
Azkenik, bizikletak utzi eta berriro lasterka abiatuko dira mendi duatloiko parte hartzaileak. Oraingo honetan, 1,62 kilometro egin beharko dituzte korrika. Bataz besteko goranzko malda 64 metrokoa izango da. Proba horren amaieran jakingo da irabazleak nortzuk diren.