Abuztuaren 28an, Larrea auzoan emakume bat jipoitua izan zela salatu du EH Bilduk. Kasu honetan erasotzailea ez zen bere bikotea edo bikote ohia izan, anaia baizik, baina beste behin ere emakumea izan zen kolpatua eta eraso bortitzaren biktima. Ertzaintzak erasotzailea atxilotu zuen bertako bizilagunei esker.
EH Bilduko ordezkariek gogor salatu nahi izan dute batetik, emakumeen kontrako indarkeria eta bestetik, aldi berean, bizilagunek izandako jarrera aktiboa txalotu nahi izan dute.
2015. urtean salatutako bigarren eraso sexista izan da oraingoa Amasa-Villabonako herrian. Martxoaren 7an izan zen 19 urteko neska gazte baten aurkako bortxaketa saiakera lehena eta pasa den ostiralekoa bigarrena.