Bart N-1 errepidean izandako auto istripuan Errenteriako 43 urteko emakume bat hil zen. Kamioi bat kontrako norabidean zihoala emakumeak gidatzen zuen autoaren kontra jo, eta autoak su hartu zuen. Kamioi-gidaria zuhurtziagabekeriazko giza hilketa leporatuta atxilotu zuten, eta gaur jakin da pisitibo eman duela alkoholaren proban.
23:00ak inguruan izan zen ezbeharra. Kamioia kontrako norabidean zihoala auto bat jo eta su hartu zuen. Suhiltzaileek batetik, kamioiko gidaria erreskatatu behar izan zuten eta bestetik, turismoa itzali behar izan zuten.
Bertaratutako osasun-langileek ezin izan dute beste ibilgailuko gidariaren heriotza ziurtatu baizik. Ibilgailua erabat kiskalia geratu zen. Biktimak 43 urte zituen, eta Errenterian bizi zen. Donostiako Auzitegi Medikuntzako Institutura eraman zuten, autopsia egin diezaioten. Istripuaren ondorioz, guztiz moztu dute bidea Gasteizko norakoan eta errail bat Irungoan. Hori dela eta, auto-ilara handiak sortu ziren.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
