Takbar Haddik maiatzean hasi zuen gose greba Las Palmas Kanaria Handian dagoen Marokoko kontsulatuaren kanpoaldean, 21 urteko bere semea, Mohamed Lamine Haidala marokoar kolonoek hil zutelako. Osasun arazoak zirela medio, gose grebarekin ezin izan zuen jarraitu eta jarraipen bat eman nahi izan diote Amasako apaiz-etxearen alboan 24 orduz gose greban aurkitzen diren hiru kideek.
Kide horiez gain, EH Bildukoek ere bat egin nahi izan dute eta honako hau eskatu dute: "Hilketaren inguruko gertakariak argitzea, Mohamed Lamine Haidalaren gorpua hilobitik ateratzea eta autopsia egitea, senitartekoek lurperatze duin bat egin dezaten".