Igandean 7:30ean Lasarte-Oriako erdigunean dagoen taberna baten atarian izan ziren gertakariak. Bi lagunei eraso zieten makil batekin eta buruan jasan zituzten zaurien ondorioz Donostiako Ospitalera eraman behar izan zituzten biak anbulantziaz.
Gertakarien lekutik furgoneta batean egin zuten ihes ustezko erasotzaileek. Ertzaintzak N-1 errepideko gasolindegi baten ondoan topatu zuen ibilgailua. Villabonako udaltzaingoaren laguntzarekin furgoneta barruan zihoazen lagunak identifikatu eta atxilotu egin zituen Ertzaintzak.
43 eta 27 urteko bi gizonezko eta horietako baten semea dira atxilotuak. Adin txikiko pertsona libre utzi zuten eta epailearen aurrean deklaratu beharko du. Adinez nagusi diren ustezko bi erasotzaileak epailearen esku geratuko dira datozen orduetan.