Gauerdian gertatu da istripua eta gizonezko bat larri zauritu da, makina batek bi besoak harrapatu ostean.
Artecako komitea eta langileek ordu erdiko elkarretaratzea egin dute eguerdian, gertaera honen inguruan beren kezka azaltzeko. "Alde batetik larriki zauritu den langileari gure babes osoa adierazi nahi diogu, eta beste alde batetik enpresari hartu behar diren babes neurriak hartzeko exijitzen diogu" helarazi dute.
Zaurituari dagokionez, bi besoak mindurik ditu erabat. Horietako bat arriskuz kanpo du, eta gaur arratsaldean egingo dizkiote frogak bigarrengoaren egoera aztertzeko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!