Orain arte udal egoitza zena Diputazioaren eskura pasako da, Gizarte Zerbitzuen legean aurreikusitakoaren arabera. 2009tik, legez, Gipuzkoan dauden 16 udal egoitzen kudeaketaren ardura Aldundiarena da.
2013an aurkeztu zuen Foru Gobernuak Mendekotasunaren Arretarako Gipuzkoako Hobekuntza Plana. Aurreko urrian Batzar Nagusiek Kabia foru organismo autonomoa eratu zuten lau urteko epean 16 udal egoitzen kudeaketa bere gain hartzeko.
Villabonakoarekin batera, Azkoitia, Elgoibar eta Zumaiako egoitzak kudeatuko ditu aurrena Diputazioak. Lau udalek onartu dute dagoeneko hitzarmena eta Diputatuen Kontseiluak hitzarmena berreitsi du orain.
Aldundiak lasaitasun mezua helarazi die egoitza hauetako langileei: beren lanarekin jarraituko dutela ziurtatu die, bai eta Diputazioak oraingo lan baldintzak mantenduko dituela ere. Era berean, egoitzetan dauden pertsonei esan diete arreta eta zerbitzu bera jasotzen jarraituko dutela.