Iritsi da Joxe Mari Olarra Amasa-Villabonara

Tolosaldeko Ataria 2014ko aza. 7a, 20:56

Pontevedrako A Lama espetxean zegoen. 18/98 auziko Xaki atalean epaitu zuten, eta 13 urteko espetxe zigorra ezarri zion Auzitegi Nazionalak. Ondoren zortzi urte eta erdira jaitsi zioten kondena. Atzo utzi zuten aske eta gaur iluntzean iritsi da Amasa-Villabonara.

Lehenago, HBko Mahai Nazionaleko kidea zela ETAren Alternatiba Demokratikoa izeneko bideoa zabaltzea leporatuta, 1997-1999 artean urte eta erdiz espetxeratu zuten, eta epaileak denbora hori kontuan hartu du Olarra libre uzteko, Iñigo Iruin abokatuaren eskaera onartuta.

Olarraren gertukoek TOLOSALDEKO ATARIA-ri azaldu ziotenez, atzo goizean espetxeko funtzionarioa joan zitzaion eta aske utzi zuen, aurrez abisurik jaso gabe. Kalean zela, berak deitu zuen askatasunaren berri emateko.

2007ko azaroaren 30ean atxilotu zuten Olarra, Mikel Egibar zizurkildarrarekin batera eta 20:15ak inguruan iritsi da Amasa-Villabonara. Txalo eta besarkada artean hartu dute herritar ugarik bere herrira iritsi bezain laster Joxe Mari Olarra.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!