Etxeratek Pilotakadaz pilotakada ekimena antolatu du sakabanaketaren salaketa egiteko. Eskualdeko jardunaldia maiatzaren 24ean izan zen, eta sari banaketa egin zuten astelehenean. Irabazleak, 14 urtez azpikoetan Aimar Zeberio (Lizartza) eta Oinatz Arrillaga (Orexa) izan ziren.14 urtez gorakoetan Iñigo Ruiz (Amezketa) eta Manex Altuna (Ibarra). Eta paletan, emakumezkotan Nahia Gabirondo (Gaztelu).
Bestalde, ekainaren 29an egingo dira Euskal Herri osoan azken ekimenak Pilotakadaz pilotakada dinamikaren barruan. Herrialde bakoitzeko frontoi batean egingo dira, eta Gipuzkoakoa Tolosako Beotibar frontoian izango da.
Goizeko 10etan hasiko da, eta bertan bertso pilota saioa, emakumeen arteko paletako partidak, ekitaldi politikoa, dantzariak eta urritasun fisikoa duten palazko partida izango dira. Azkenik, Beotibar kanpoaldean hamaiketakoa hartzeko aukera ere izango da.