Galder Azkue: "Parte hartzea arautzeko ordenantza jarri nahi dugu martxan"

Hiri hondakinak atez ate biltzen hasi ziren Amasa-Villabonan aurreko uztailaren 7an. Tolosaldeko Mankomunitateak emandako datuen arabera birziklatze tasak irauli egin dituzte herrian. Pozik agertu da horrekin, Galder Azkue alkatea eta "herritarrek egindako ahalegina eskertu nahi dugu".

Hondakinen bilketa sistemaren inguruan, udara aurretik hainbat gertakari izan ziren, horien artean Tolosaldea Txukun plataformak deitutako herri galdeketa. Galder Azkueren esanetan, "kontsulta horrek ez zituen, gure ustez, gutxieneko baldintzak betetzen". Beraz, horrelako kasuak arautzeko ordenantza bat osatzeko asmoa agertu dute udal gobernutik. Dagoeneko hasiak dira lanketa hori egiten-

2014ko aurrekontuei begira herritarren parte hartzea bultzatu nahi dute Amasa-Villabonan. Udal zerga eta tasak onartu berri dituzte eta Foru Aldundiko foru funtsak egingo duen ekarpenarekin osatuko dute datorren urteko plangintza. "Inbertsioen artean azkeneko urteotako asmoa da futbol zelai berria eraikitzea eta asmo hori datorren urtean gorpuztea espero dugu, beharrezko finantzazioa topatzen badugu".

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!