Joan den maiatzaren 28an, 2 boto baino ez zituen eskuratu Altzon PPk. Gainerako 191 botoak EH Bilduren hautagaitzarako joan ziren, eta beraz, beste lau urtetan jarraituko du koalizioak herriko udal gobernuan. Hori bai, alkate berria izango dute Xabier Olano.
Olano, aurrez ere Altzoko alkate izana da, 1987tik 1991ra. Oraingo honetan, azken lau urteetan alkate izan den Txomin Rezolaren eskutik jaso du aginte makila Olanok. Rezolak eskerrak eman dizkie udal langileei, aurretik egondako hautetsiei eta baita herritarrei ere. Xabier Olanori eta talde berriari eskerrak eman dizkie era berean.
Altzoko udalbatza ondorengo hautetsiek osatuko dute:
- J. Xabier Olano Jauregui (EH Bildu)
- Ainara Garcia Bravo (EH Bildu)
- Xabier Murua Zubizarreta (EH Bildu)
- M. Aranzazu Menendez Chopitea (EH Bildu)
- Enaitz Aizpitarte Murua (EH Bildu)
- M. Dolores Arandia Azpeitia (EH Bildu)
- Joseba Elduaien Olazar (EH Bildu)
