Atzo Altzon azoka eguna izan zuten. Jende asko gerturatu zen herrira eta askotariko postuak egon ziren plazan. Tolosako Ezti Lehiaketa egin zuten ere. Normalean Ibarrako urriko azokan egiten dute lehiaketa, baina aurten Altzon egin dute lehen aldiz.
Bost ezti ekoizle aurkeztu ziren, eta Jon Etxeberria Gipuzkoako Erlezain elkarteko zuzendaritzako kideak esan duenez, oso maila txukuna eman zuten guztiek. Ikaztegietako Mattin Jauregik eskuratu zuen lehen saria, Hernialdeko Patxi Imazek bigarrena, eta Berrobiko Iñigo Erauskinek hirugarrena. Hiruak pasako dira martxo bukaeran Zegaman egingo duten Gipuzkoako Ezti Lehiaketara
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!