ARGAZKI GALERIA

Altzoko artista txiki handiak

Altzoko gazteak izan dira gaur goizean protagonista. Bost musikarik eta Artea dantza taldeko dantzariek ikuskizun ederra eskaini dute.

Uda Giro ekitaldi sortaren barruan, gaur, Altzon dantza ikuskizuna izan da. Herriko musikari gazteek eta dantzariek ikuskizun bikaina eskaini dute. Altzotarrek artista sena badutela erakutsi dute.

Lehen aldiz, herriko musikariek musika zuzenean jo diete dantzariei. Lan hori hartu dute Jokin Olano, Xabier Murua, Oihane Artola, Izaro Olano eta Naroa Olanok. Musikaren erritmora, berriz, hankak arin dantzatu dituzte Artea dantza taldeko altzotarrek. Txikienetatik hasi eta helduenetara guztiak pasa dira oholtza gainetik.

Zuzeneko abestiekin hasi da ikuskizuna, eta jarraian batu zaizkie Artea dantza taldeko dantzariak. Txalo zaparrada bikainak jaso dituzte ikusleen aldetik.

Gaurkoarekin, San Inazio festen inguruko ekitaldiak bukatu dituzte, eta eskolan jarritako oholtza kentzeko eguna izan dute, baina oraindik ere abuztuan badute ekitaldirik. Abuztuaren 25etik 31ra bitartean, Nomada Studioko Eli eta Carlos argazkilariek bisita egingo diote Altzori. Autokarabanan gerturatuko dira, eta herritar bakoitzari erretratu bana egiteko intentzioa izango dute. Bertan, parte hartzaile bakoitzari erretratu profesional bat oparituko zaio.

Erlazionatuak

Artea dantza taldearen emanaldia, zuzeneko musikarekin

Altzo

Uda Giro ekimenen barruan ikuskizuna eskaini dute herrian Artea dantza taldeko dantzariek.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!