12:00etan hasiko da ekitaldia, udaletxean, eta bertan Altzoko Handiaren inguruko dokumentala, interpretazio zentroa, turismo bulegoa, bertako produktuak salduko dituen denda eta Segoretxe herriko ostatua ezagutzeko aukera izango da. Udaletik herritarrei gonbita egin diete inaugurazio berezi horretan parte har dezaten.
Bestalde, Iñaki Moyua artista tolosarrak Altzoko Handiaren irudia egin du, berezko neurrian eta garaiko jantziekin atonduz. Batzarremuño eraikineko interpretazio zentroan egongo da ikusgai, erakusleiho batean, igandetik aurrera. Hortaz, ez da ordutegirik izango Moyuaren lana ikusteko.