(B)eroa Talde Feminista jarri dute martxan Altzon, eta Martxo Morea prestatzen aritu dira Parekidetasun Taldearekin eta Udaleko Berdintasun Sailarekin. Gaurko ekitaldiak beraiek antolatu dituzte, nolabait taldearen aurkezpen gisa balio izan duena, eta gustura azaldu dira herritarrek emandako erantzunarekin. 40 herritar inguru elkartu dira, adin guztietakoak, flashmobean. "Herria pixka bat mugitzea, emakumezkoak eta gizonezkoak, berdintasunaren bidea jorratuz", izan da gaurko ekitaldien helburua.