Altzoko san inazioak 2017

Haurrak protagonista, biharamunean

Erabiltzailearen aurpegia Josu Artutxa Dorronsoro 2017ko abu. 1a, 14:23

Altzoko San Inazio festetan, atzo ospatu zuten egun handia, eta gaur esango diete agur aurtengo jaiei. Goizean, haurren jolasak antolatu dituzte, eta jarraian, hamaiketakoarekin berreskuratu dituzte xahututako indarrak.

Gazte gutxi ageri ziren, goizean, Altzon. Atzokoan, Gipuzkoako patroiaren eguna ospatu zuten bertan, eta festen azken egunean, haurrei eman diete txanda. Sei gunetan banatuta, jolas ezberdinetan ibiltzeko aukera izan dute txikienek, Altzoko plazan. Berrogei bat haur hurbildu dira bertara, eta gurasoen laguntzaz, ederki pasa dute. Batzuek, lokotxak biltzen zituzten bitartean, besteak zakuekin lasterka eta gurpila eramaten aritu dira, baita tokan eta txingatan ere. Esfortzu handiak egin eta gero, sabela bete ahal izan dute, gurasoek prestatutako hamaiketakoarekin.

Baina, guztia ez da hemen amaitzen. Altzoko festek, gaur gauera arte iraungo dute. Hemen duzue abuztuko lehen eguneko arratsalderako antolatu duten egutegia:

16:00. Mus txapelketa Elordi elkartean eta puzgarriak plazan.

18:00. XXI. Frontoi Zahar Berrituko Pilota Txapelketako finalak.

21:00. Zahagi ardoa.

22:30. Dantza emanaldia: Artea eta Alurr dantza taldeak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!