Joan den urteko txakalaldia gaindituta, Altzo 2014-2015 argitaratu da aurten eta larunbatean egin zuten aurkezpena udaletxeko areto nagusian. Aretoa bete-bete egin zen Antton Iztueta, Oihane Artola eta Lurdes Murua Kultur Batzordekideen argibideak entzutera; Altzoko Gazte Asanblada, Imaz Bertsolaria Eskola eta beste 17 sinadurek ondutako lanak jasotzen ditu 84 orrialdeko aldizkariak.
Altzoko Kultura Batzordeak 1998an argitaratu zuen herriko lehen urtekaria: Altzo 1997. Harrez gero, ia urtero argitaratu da aurreko urteko gertaerak, herriko hainbat pertsonaien inguruko artikulu eta beste hainbat jakingarri jasotzen dituen aldizkaria.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!