Altzoko udaletxetik egin du irratsaioa Atariak, eta eskolako haurrak pasa dira handik, 60 bat inguru, eta baita Jasone Armendariz zinegotzia, Xabier Olano Ogasun eta Finantza saileko idazkari teknikoa, David Azurza abesbatza zuzendaria, Iker Laso eta Jexux Murua herritarrak eta plazako jatetxeko Arandiatarrak ere.
Izan ere, azken konponketa teknikoek emaitza onak eman dituzte, eta egun, ia eskualde osoan ondo entzun daiteke Ataria Irratia 107,6 fm-ean. Hori ezagutarazteko eta herritarrek irratian zuzenean parte har dezaten ahalbidetzeko egiten ari da zuzenekoak. Alegialdeko zazpi herrietan egongo da datozen asteetan irratia, ostiralero. Hurrengo zuzeneko saioa apirilaren 4an izango da, Ikaztegietatik, eta apirilaren 11n Abaltzizketaren txanda izango da.