Aurtengo udal hauteskundeetara bi hautagaitza aurkeztu dira. Maiatzaren 28an hiru boto baino ez zituen lortu PSE-EEk eta 128, berriz, Alkizako Abertzale Ezkertiarrak taldeak. Hautagaitza independente honetako zazpi zinegotzik hartu dute gaur kargua Fagus Alkiza interpretazio zentroan.
Inaki Irazabalbeitiak alkate makila hartu ondoren bigarren agintaldiari ekin dio gaur. Halaber, Irazabalbeitiak seinalatu du desafio inportanteak dauzkala udal taldeak datozen 4 urteetan, bereziki plan orokorraren erredakzioa bukatu eta onartzea. "Plan orokorrak Alkizaren etorkizuna eraikitzeko oinarriak emango dizkigu, besteak beste, herriko gazteei herrian bizitzeko etxebizitza-eskaintza egokia antolatzeko erremintak. Behin plan orokorra onartuta, legealdi honetan bertan hasi nahi dugu etxebizitzak eraikitzeko lehen pausuak ematen".
Hauek dira Irazabalbeitiak alboan izango dituen hautetsiak.
- Inaki Xabier Irazabalbeitia Fernandez (Alkizako Abertzale Ezkertiarrak)
- Ana Agesta Echecolonea (Alkizako Abertzale Ezkertiarrak)
- Jose Maria Aranzabe Urruzola (Alkizako Abertzale Ezkertiarrak)
- Nagore Arizeta Garmendia (Alkizako Abertzale Ezkertiarrak)
- Koldobika Jauregi Zinkunegi (Alkizako Abertzale Ezkertiarrak)
- Guillermo Jesus Otegi Zubillaga (Alkizako Abertzale Ezkertiarrak)
- Unai Sorarrain Urruzola (Alkizako Abertzale Ezkertiarrak)
