Fagus Alkiza interpretazio zentroaren webguneak helbide berria du. www.fagus-alkiza.com izatetik www.fagus-alkiza.eus izatera pasa da, "euskararentzat eta euskal kulturarentzat sortutako domeinua gure eginez".
Beste hizkuntza gutxitu batzuen esperientziari begiratuta, .eus domeinuak aukera berriak zabaltzen dituela uste du Fagus-Alkiza interpretazio zentroak. "Domeinua, euskara eta euskal kulturaren komunitatearen lehen mailako domeinua da, euskara beste hizkuntzen mailan kokatzen duena, euskararen normalizazioan lagunduko duena eta euskararen herriari nazioarteko aitortza eskaintzen diona".