Idoia Unzurrunzaga Llach argazkilaria da eta Maria Andres Sanz, berriz, dantzaria. Koldobika Jauregi, Aizpea Goenaga, Nagore Legarreta eta Xabier Artolak osatutako epaimahaiak bi sortzaileek aurkeztutako proiektuak aukeratu dituzte.
Alkizako Udalak, herriko eragileekin elkarlanean, artistek hausnartu, sortu, esperimentatu eta esperientziak partekatzeko egonaldia sortu zuen 2017an. Kultura eta arte sorkuntza hirietatik deszentralizatu eta modu horretara landa eremuko herri txikietan ere proiektu artistikoak gauzatu daitezkeela erakutsi nahi izan zuten. Aurten hirugarren ekitaldia egingo dute.
Lehenengo bi edizioetan parte hartu duten artisten aholkuak aintzat hartuz, egonaldiak astebete gehiago iraungo du aurten. Hiru astetara zabaldu dute egonaldia.