ataria.eus

Martxan dira Alkizako baserri paisaiak ezagutzeko ibilbide gidatuak

gizartea  Alkiza

Fagus Alkiza Interpretazio zentroa bisitatu eta Baserri Paisaien Ibilbide gidatuta egiteko aukera izango da, larunbatean, maiatzaren 19an.

Alkiza, Hernio-Gazume mendilerroaren iparraldeko magalean dago kokatua, 340 m-ko altueran, ondorioz, inguratzen duen paisaiarengatik da ezaguna. Gure inguruko herriek duten paisaia ordea, ez da bere kasa sortu, ez da erabat naturala. Belardi, soro, baratza, baso eta larre horiek sortzeko eta mantentzeko baserritarren urteetako esfortzua ezinbestekoa izan da. 

​Baserri paisaien eraikuntzan gure arbasoek izan duten eragina eta garrantzia ezagutzera emateko, Alkizako Udalak "Baserri Paisaien Ibilbidea" sortua du. Larunbatetik  aurrera, ibilbide hori gidarekin egiteko aukera izango da.

Ibilbidea herriko plazatik abiatuko da eta Alkiza inguruko bi muino zeharkatuko ditu. Bipagoeta baserriaren parean, ibilbide motzagoa edo luzeagoa aukeratzeko modua izango da. Edozeinetara ere, bidea erraz egiteko modukoa da.

Ibilbidea egin aurretik, nahi izatera, Fagus Alkiza Interpretazio Zentroa ezagutzeko aukera izango da horretarako egokitutako bisita baten bidez. 

​"Baserri Paisaien Ibilbidea" egiteko ezinbestekoa da aldez aurretik izena ematea. Horretarako kultura@alkiza.eus helbidera idatzi beharko da, edo bestela honako telefono zenbaki honetara dei daiteke: 688 604 466.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa