Eskolan komikia lantzen aritu dira ikasleak hiruhileko honetan. Hori dela eta gonbidatu zuten Maite Gurrutxaga, bere azken lanetako bat komikia izan delako. Bera etorri aurretik bere lanak ikusten eta ezagutzen ibili dira Alkizako eskolako haurrak. Ikasleekin solasaldia izan ondoren, marrazki bat egin zuen Gurrutxaga denek ikus zezaten nola marrazten duen. Jarraian, ikasleek komiki bat osatu zuten. Gustura ibili ziren lanean ikasleak eta komiki polit asko atera ziren. Bertso batzuk kantatuz agurtu zuten ikasleek Maite Gurrutxaga.