Aiztondoko Denbora Bankuak antolatuta, eta Ekarri behar ez duzuna eta eraman behar duzuna lelopean, truke azoka izango da datorren igandean Alkizan, 10:30etatik 14:30etara bitarte. Orotariko produktu eta zerbitzuak trukatu ahal izango dira. Mahai bat jarri nahi izanez gero, aiztondokodenborabankua@gmail.com helbidera idatzi edo 943 693 930 telefono zenbakira deitu beharko du.
Azokaz gain, ekintza gehiago izango dira: 11:00etatik 12:30era, pala, errusiera, areto-dantza, birziklapen eta barruari begira izeneko tailerrak; 12:30etan, Dirurik Gabe Elkartearen aurkezpen ekitaldia; eta 14:00etan, truke-bazkaria, bertaratutakoek eramandakoekin.