Inaxio Begiristain Kultur eta Kirol Etxea eta liburutegia itxita egongo dira abuztuan. Bi zerbitzuek uztailaren 30a izango dute azken lan eguna, eta oporretan egongo dira abuztuaren amaierara arte. Jaiegunen ondoren, abuztuaren 24an zabalduko dute liburutegia, eta kultur etxeak, berriz, irailaren 1ean berreskuratuko du ohiko jarduna.
Alegiako Udalak liburutegiko erabiltzaileei gogorarazi die uztailaren 30a izango dutela udarako liburuak hartzeko azken eguna. Gimnasioko bazkideek, berriz, txartela erabilita sartu ahal izango dute.