Denboraldi amaierako ospakizunean, herriko plazan afari-merienda bat egin zuten, eta opariak banatu zituzten jokalarien artean. Futbol eskolako sortzaileari, Imanol Aizpuruari, oroigarri bat eman zitzaion. Aipamen berezia ere egin zitzaien Patxi Renobalesi eta Marijo Leundari hainbat urtetan Intxurren «buru-belarri» lan egiteagatik, eta aipamena jasotakoak «erabat eskertuak» sentitzen dira.
Denboraldiko emaitzei buruz, «oso denboraldi txukuna» egin dutela esan du klubak. Maila guztietan eutsi diote kategoriari, eta denboraldi berriari begira jarrita daude Intxurrekoak.