Alegiako Jubilatuen elkarteak Guardiara (Araba) irteera egingo du ekainaren 3an —asteazkena—. Interesa dutenek maiatzaren 18tik 22ra eman ahal izango dute izena, kultur etxeko bigarren solairuan, 11:00etatik 13:00era. Bazkideek 50 euro ordaindu beharko dituzte, eta bazkide ez direnek, berriz, 53 euro.
Goizean abiatuko dira Alegiatik, zehazki, 9:15ean, eta 11:00etan iritsiko dira Guardiara. Bertan hamaiketakoa egin eta, ondoren, Santa Maria elizan bisita gidatua izango dute. Bazkaria 14:00etan egingo dute, eta 18:00etan abiatuko dira bueltan Guardiatik.