Karmengo Amaren jaiak ari dira ospatzen Alegian, eta horrekin batera, Gaztetxeko kideek antolatutako Bibalabirjen festa alternatiboak ere hasi dira. Intxurre Futbol Taldeak jaurti du txupina arratsaldean Bulebarrean. Horren ostean, sagardo dastaketa egin dute, Eider eta Maider trikitilariek alaituta. Iluntzean, zahagiardoa, erromeria, DJa eta kulero eta kaltzontzilo karrera izango dituzte, besteak beste.
KARMENGO EGUNA
Karmengo Amaren jaiak ere martxan dira, eta gaur, Karmengo eguna izan dute Alegian. Goizean, Haatik dantza konpainiaren Errimak Bi Oinetan emanaldia izan da ikusgai plazan, eta arratsaldean, berriz, Jose Mari Orbegozoren dantza erakustaldia. Hala ere, iluntzera arte izango da zertaz gozatu bertan; bingoa, zahagiardoa eta kontzertuak izango dituzte, besteak beste.