Iñaki Artolak ezin izan du gaurkoan bere lehen mailako lehen txapela jantzi. Harmailak alde izan dituzte alegiarrak eta bere bikotekide Jon Mariezkurrenak, tantoa egiten zutenean entzuten baitzen builarik handiena.
Artola eta Mariezkurrena beti atzetik joan dira markagailuan, baina azken txanpan asko hurbildu dira gerora txapeldun izan diren Ezkurdia eta Rezustari. Emozio handikoak izan dira azken tantoak, eta Artolazaleek esperantzaz bizitu dituzte. Azkenean ez da posible izan txapela Alegiara eramatea, baina final handi batez gozatu ahal izan dute pilotazaleek.
Argazkiak: IBON AZPILIKUETA
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?