Etzi jokatuko du, lehen aldiz, Binakako Txapelketako finala Iñaki Artola pilotariak. Gertakizunaren hurbila nabari da herrian: hainbat balkoitan ikus litezke «Aupa Artola» dioten oihalak, eta elkartasuna adierazteko beste keinu bat ere otu zaie alegiarrei, hain zuzen, iganderako kamisetak egin dituzte.
Herriko Garaiko inprentan osatu dituzte kamisetak eta, arduradunen hitzetan, guztira, 500 eta 600 artean egin dituzte: «Eskatzeko epea astelehenean itxi genuen; egiteko denbora behar genuelako. Bestela, gehiago ere izango ziren». Eskatu dituztenek 20:00k bitarte dute aukera, herriko plazan, kamisetak jasotzeko.