Behin finala bukatuta, Artolari harrera egingo zaio herrian, eta ondoren afaria egingo dute Elorri frontoian. 400 pertsona inguru elkartuko dira bertan. Kamisetak egin dituzte finalerako eta bihar arratsaldean jaso ahalko dira, herriko plazan, 16:00etatik 20:00etara.
Bestalde, igandean, Iruñeko Nafarroa Arena pilotalekuan jokatuko den finala plazan jarriko den pantaila handian ikusi ahal izango da. 17:00etatik aurrera Iruñean gertatzen den guztia zuzenean bertatik bertara jarraitu ahal izango da eta Alegiako Udaletik dei egiten zaie herritarrei plazara hurbildu daitezen finala ikusi eta Iñaki Artola eta Jon Mariezkurrena animatzera.