Duela aste batzuk Oria ibaiaren Alegiako pasabidean sahatsak mozten aritu ziren, eta bertatik soberan geratutako egur sortak herritarren artean banatuko ditu Alegiako Udalak. Interesa duten alegiarrek hiru modutan egin dezakete eskaera: udalaren web orrialdearen bitartez, mugikorrerako aplikazioaren bidez edo udaletxeko bulegora bertaratuz.
Dagoeneko zabalik dago sortak eskatzeko epea, eta martxoaren 27a izango da horretarako azken eguna. Dena dela, zenbait baldintza bete beharko dira egurra jasotzeko, besteak beste, norbere erabilerarako izatea eta ez saltzea edo ematea beste inori. Eskaera kopuruak eskuragarri dauden sortak gaindituko balitu, udalak zozketa publiko bidez banatuko ditu sortak.
Baldintza guztiak eskuragarri daude Alegiako Udalaren web orrialdean.
