Gaurtik —otsailaren 24tik— datorren asteko astelehenera —martxoaren 3ra— itxita egongo da Oria ibaiaren ondoko pasealekua, Erbetako parketik zubiraino. Ibai ondoko zuhaitzak kimatu behar dituzte eta lan horiek irauten duten bitartean itxiko dute bidea.
Udalak adierazi du pasealekuan dagoen parkerako sarbidea bermatuko duela lanek «ahalbidetzen duten neurrian» eta, zentzu horretan, jarriko dituzten seinaleak errespetatzeko eskatu dute. Lanak aurreikusi baino lehenago amaitzen badituzte, pasealekua ere lehenago zabalduko dute.