Bihar, abenduaren 19an, Jo ezak berriro, Sam antzezlanaren azken emanaldia eskainiko du Intxurre antzerki taldeak Alegiako gaztetxean. Guztira, hamar emanaldi egin dituzte ekainaren 6ko estreinalditik.
Alegian hirutan egin dute, eta bina saio eskaini dituzte Ikaztegietan, Altzon, Tolosako Amarotz auzoan eta Amezketan; guztietan agortu ziren sarrerak. Alegiako gaztetxeko urteurrenaren ekitaldietan kokatu dute azken emanaldia, eta 20:30ean hasiko da. Bukatutakoan, Intxurre elkartean afari-merienda egingo dutela ere iragarri dute.
