Alegian Palestinaren aldeko hainbat ekimen egin dituzte astean zehar. Asteartean hitzaldia eman zuen Txente Rekondo irakasle eta nazioarteko analistak, eta gaur egin dituzte beste hainbat jarduera. Lehenengo, Palestinako biktimen omenez olerki bat irakurri, lore-sorta bat eskaini eta isiltasun minutua egin dituzte kultur etxearen ondoko olibondoan; jarraian elkarretaratzea herriko plazan; eta goiza amaitzeko leku berean hainbat postu jarri dituzte: Gernika-Palestina Elkartasun Sareari buruzko informazio gunea; ekimena diruz laguntzeko postua; elkartasuna adierazteko materialarekin beste bat; eta, horrez gain, Alegiako hainbat arabiarrek jatekoa eta edatekoa prestatu dute eta horiek dastatzeko aukera ere izan da.
Alegian hainbat jarduera egin dituzte gaur goizean Palestinako biktimen omenez. Alegiako Gernika-Palestina elkarteak antolatu ditu ekimenak, eta egoera salatzea eta gogoraraztea izan dute helburu.
Erlazionatuak
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!