Alegiako Udaleko langileek txukunketa lanak egin dituzte herriko jolaslekuetan. Parkeen inguruak txukuntzearekin batera, haurrentzat egoera arriskutsuan egon zitezkeen hainbat jolas konpondu dituzte. Esate baterako, ibai ondoko pasealekuko parkean etxola bati estalki berria jarri diote eta txirrista baten ertz bat konpondu dute.
Lan horietako batzuk udalak hauteman ditu eta beste batzuk, berriz, herritarrek proposatu dituzte Alegiako Udalaren aplikazioaren bidez. Udalak eskerrak eman dizkie herritarrei, eta gonbidatu ditu komunikazio kanal horiek erabiltzera.